Vdes 63 vjeçarja e infektuar me COVID- 19, shkon në 29 numri i viktimave

Kosova

Ka ndërruar jetë edhe një paciente në Klinikën Infektive e cila ishte e infektuar me COVID-19.

Kështu është bërë e ditur përmes një njoftimi nga Ministria e Shëndetësisë.

Viktima është një 63 vjeçare nga Rahoveci, dhe ishte duke u trajtuar në Klinikën Infektive nga data 03.05.2020.

Sipas njoftimit, pacientja kishte edhe sëmundje të tjera shoqëruese.

“Pacientja ishte pranuar në Klinikën Infektive me datën 03.05.2020 në gjendje të rëndë, paraprakisht e konfirmuar për Covid-19 dhe me disa sëmundje të tjera shoqëruese”, thuhet në njoftim.

Njoftimi i plotë:

NJOFTIM NGA KLINIKA INFEKTIVE-QKUK

Prishtinë, 12 maj 2020

Klinika Infektive ka njoftuar se sot ka përfunduar me vdekje pacientja H.E.(1957) nga Komuna e Rahovecit.

Pacientja ishte pranuar në Klinikën Infektive me datën 03.05.2020 në gjendje të rëndë, paraprakisht e konfirmuar për Covid-19 dhe me disa sëmundje të tjera shoqëruese.

Kjo është vdekja e 29 në nivel vendi nga Covid-19 dhe e tetëmbëdhjeta në Klinikën Infektive nga kjo sëmundje.