Ballina Lajme Bota Suedezja 70 vjeçe dyshohet që e mbajti tri dekada të mbyllur djalin...

Suedezja 70 vjeçe dyshohet që e mbajti tri dekada të mbyllur djalin e vet

Policia dhe një prokurore suedeze njoftuan të martën se një grua 70 vjeçe është arrestuar në Stokholm nën dyshimin se e ka mbajtur të burgosur djalin e vet në banesën ku jetonte për rreth tri dekada.



Burri në të dyzetat u gjet në banesë nga një i afërm të dielën i lënduar, tha prokurorja Emma Olsson, duke shtuar se ai mund të jetë mbajtur i mbyllur për 30 vjet.
Disa medie suedeze, duke e cituar të afërmin që e gjeti burrin, thanë se ai është gjetur me një batanije në dysheme, pa dhëmbë, pa aftësi për të folur dhe i mbuluar me plagë dhe shenja të lëndimit, shkruan Reuters.
“Ai tash është në spital. Jam njoftuar se ai kishte nevojë për operacion”, tha Olsson, pa dhënë hollësi tjera për gjendjen e burrit të gjetur.
Gazeta suedeze “Expressen” dhe disa tjera raportuan se ky person ishte larguar nga shkolla në moshën 12-vjeçare.
Prokurorja bëri të ditur se gruaja e dyshuar i ka mohuar akuzat për burgosje të djalit dhe keqtrajtim fizik të tij.
Autoritetet nuk e kanë zbuluar identitetin e gruas së dyshuar dhe as të burrit që dyshohet se u mbajt i ngujuar për kohë të gjatë.
“Jemi duke hulumtuar për të parë se sa kohë ka qëndruar i mbyllur burri, por vlerësojmë se është një kohë e gjatë”, tha një zëdhënës i policisë për agjencinë Reuters.

- Artikull i sponzorizuar -

në fokus

Edhe Sindikata e Policisë paralajmëron protesta

Sindikata e Policisë së Kosovës, përmes një njoftimi për media kanë thënë se përkundër që kanë kërkuar nga Qeveria e Kosovës që...

Mandzukic: Unë e Ibra të frikshëm, japim shembullin për më të rinjtë

Mario Mandzukic është gati të fillojë aventurën e tij me fanellën e Milanit. Gjatë prezantimit me si kuqezi sulmuesi kroat foli plot...

Keidi Bare po shkëlqen te Espanyoli, klubi i vendos çmimin prej 10 milionë euro

Keidi Bare e kishte të vështirë fillimin te Espanyoli, pasi vuajti disa probleme burokratike,  ndërsa më pas një dëmtim.Por ai është kthyer...

COVID19/ Ministria e Shëndetësisë: 678 raste të reja dhe 5 humbje jete në 24 orët e fundit

Ministria e Shëndetësisë dhe Mbrojtjes Sociale ju bën apel qytetarëve të mos e ulin vigjilencën në zbatimin e rregullave antiCOVID; Vendosni maskën...