Ballina Lajme Bota SHBA “e alarmuar” pas grusht shtetit ushtarak në Mianmar

SHBA “e alarmuar” pas grusht shtetit ushtarak në Mianmar

Ushtria e Mianmarit mori të hënën në dorë pushtetin e vendit, duke arrestuar kryeqeveritaren dhe laureaten e Nobelit të Paqes, Aun San Su Çi, dhe politikanë të tjerë.

Me një mesazh televiziv, ushtria shpalli gjendjen e jashtëzakonshme për një vit, kohë që thotë se do ta përdorë për t’i rikthyer vendit stabilitetin e munguar.

Ushtria dhe partia qeverisëse janë në konflikt që pas zgjedhjeve të nëntorit të kaluar, kur partia në pushtet rriti numrin e mandateve në parlament.

Ndërkohë, opozita dhe partia e lidhur me ushtrinë kërkoi shpërbërjen e parlamentit, duke akuzuar qeverinë për manipulime dhe për moslejimin në votim të pakicave kombëtare.

“Pushteti ekzekutiv, legjislativ dhe gjyqësor, në bazë të kushtetutës, tani i është transferuar kryekomandantit, i cili do verifikojë akuzat për manipulime dhe do ndërmarrë veprimet e duhura.”

Mianmari raportohet se bllokoi linjat e internetit dhe telefoninë në qytetet e mëdha ndërsa bankat pezulluan të gjitha llojet e transaksioneve.

Sipas Fil Robertsonit, zv.drejtorit për rajonin e Azisë në Observatorin ndërkombëtar për të Drejtat e Njeriut, Mianmari tani rrezikon të kthehet në të kaluarën e vet problematike.

“Frika më e madhe është për njerëzit që për vite me radhë kanë folur kundër ushtrisë dhe tani u duhet të fshihen. Jemi të shqetësuar sepse mund të kthehemi në situatën para 2010-ës kur kishim qeverinë që i abuzonte të drejtat e njeriut më shumë sesa çdo qeveri tjetër në rajon.“

Entoni Blinken, kryediplomati i SHBA-së, reagoi po ashtu reagoi i shqetësuar teksa i kërkoi ushtrisë lirimin e qeveritarëve në emër të aspiratave për demokraci, paqe dhe zhvillim.

Ndërkohë, edhe partia e kryeqeveritares Aun San Su Çi është kritikuar në nivel ndërkombëtar për trajtimin e pakicave myslimane, kur shumica e popullit birman beson në budizëm.

- Artikull i sponzorizuar -

në fokus

Në këtë ditë, para nëntë vitesh Messi u bë lojtari i parë që shënoi pesë gola në një ndeshje në Ligën e Kampionëve

Një Lionel Messi i pandalshëm bëri historinë duke u bërë lojtari i parë ndonjëherë që shënoi pesë gola në një lojë të...

Vuçiqi në presion, thotë se është në pozitë të pashpresë sepse po i kërkohet ta njoh pavarësinë e Kosovës

***Presidenti i Serbisë, Aleksandar Vuçiq, deklaroi se Serbia është në një situatë shumë të vështirë në lidhje me Kosovën, dhe shtoi se...

Ndjehen lëkundje tërmeti në pjesën perëndimore të Maqedonisë

Tërmet me intensitet me magnitudë tre sipas shkallës së Rihterit është ndjerë mbrëmjen e djeshme rreth orës 22:43 në rajonin e Dibrës,...

Foto e jashtëzakonshme, fotografi kap “anijen në fluturim”

Imazhi i asaj që duket si një anije fluturuese është rezultat i një iluzioni të rrallë optik në brigjet e Anglisë.David Morris...