Ballina Lajme Sa zgjat imuniteti pas shërimit nga COVID-19? Epidemiologu shpjegon studimet e fundit...

Sa zgjat imuniteti pas shërimit nga COVID-19? Epidemiologu shpjegon studimet e fundit dhe jep lajmin e mirë



Sa zgjat imuniteti pas shërimit nga COVID-19? Epidemiologu shpjegon studimet e fundit dhe jep lajmin e mirë
Epidemiologu Ilir Alimehmeti, ka analizuar situatën e koronavirusit, ndërsa ka trajtuar imunitetin e antitrupave.

Alimehmeti sqaron se sa zgjat imuniteti i antitrupave, ndërsa shton se një hulumtim i kryer për prodhimin e limfociteve B, të kujtesës, pas infektimit nga SARS-CoV-2 tregoi se SARS-CoV-2 indukton formimin e limfociteve B të kujtesës.

Limfocitet B të kujtesës, sqaron epidemiologu janë qeliza imunitare më jetë të gjatë që zbulojnë viruset, krijojnë antitrupa për t’i shkatërruar ato dhe “i mbajnë mend” për të ardhmen.

Ndërkohë herën e dytë që ky virus mundohet të hyjë në trup, limfocitet B të kujtesës futen menjëherë në veprim në kohë shumë më të shpejtë për të zhdukur infeksionin përpara se ai të fillojë sëmundjen.

Duke qenë se limfocitet B të kujtesës mund të mbijetojnë dekada, ato mund t’i mbrojnë personat që e kanë kaluar COVID-19 nga infeksionet e ardhshme për një kohë shumë të gjata (ndoshta të gjithë jetën), por sipas Alimehmetit nevojitet më shumë kërkim shkencor në këtë drejtim.

“Ekspertë të sëmundjeve infektive në Universitetin e Rochester – SHBA, mendojnë se ata që janë infektuar më parë nga një koronavirus i zakonshëm (që pak a shumë do të thotë “të gjithë”) mund të kenë njëfarë niveli imuniteti para-ekzistues kundër COVID-19”, shkruan epidemiologu.

Statusi i plotë:

Ai që konsumohet nga shqetësimi, është po i njëjti që ka edhe imunitetin natyror të reduktuar.”

Cit.: Sunday Adelaja

Lajme të mira mbi imunitetin miqtë e mi!

Shumë vetë janë të shqetësuar nga rastet e reinfektimeve me COVID-19, sepse këto pak raste janë pasqyruar edhe mediatikisht, duke hiperbolizuar kështu dimensionin e tyre të vërtetë.

Për kronikë, deri më sot janë të dokumentuar me reinfektim të sigurt 6 persona dhe të dyshuar 4 persona në të gjithë globin, ndërkohë që rastet me COVID-19 janë aktualisht 40 milionë.

-Pra gjasat e reinfektimit janë deri më sot 1 ndër 4 milionë!

-Unë do të thoja të ulëta, si mendoni ju?

Megjithatë, sa herë ka dyshime, sytë hidhen nga studimet shkencore!

Sa zgjat imuniteti i antitrupave?

Studimi i fundit, publikuar më 25 shtator 2020 në prestiogjiozen mBio (organ i Shoqatës Amerikane të Mikrobiologjisë), hulumtoi pikërisht prodhimin e limfociteve B të kujtesës pas infektimit nga SARS-CoV-2.

-Ky studim është kryer nga Universiteti i Rochester (SHBA) dhe është financuar pjesërisht nga National Institute of Allergy and Infectious Diseases (SHBA), institut i cili kryesohet nga Prof. Anthony Fauci.

-Lajmi i parë i mirë është se ky punim është studimi i parë shkencor që tregon se SARS-CoV-2 indukton formimin e limfociteve B të kujtesës.

Për shpjegim:

-Limfocitet B të kujtesës janë qeliza imunitare me jetë të gjatë që zbulojnë viruset, krijojnë antitrupa për t’i shkatërruar ato dhe i “mbajnë mend” për të ardhmen.

-Pra, herën e dytë që ky virus mundohet të hyjë në trup, limfocitet B të kujtesës futen menjëherë në veprim në kohë shumë më të shpejtë për të zhdukur infeksionin përpara se ai të fillojë sëmundjen.

-Duke qenë se limfocitet B të kujtesës mund të mbijetojnë dekada, ato mund t’i mbrojnë personat që e kanë kaluar COVID-19 nga infeksionet e ardhshme për një kohë shumë të gjata (ndoshta të gjithë jetën), por nevojitet më shumë kërkim shkencor në këtë drejtim.

-Lajmi i dytë i mirë është se ky punim është gjithashtu studimi i parë që raporton kryq-reagimin e limfociteve B të kujtesës.

Për shpjegim:

-Limfocitet B të kujtesës, që janë formuar vite më parë kundër koronaviruseve të tjera të gripit të zakonshëm, duket se njohin dhe reagojnë edhe kundër SARS-CoV-2.

-Autorët e studimit (ekspertë të sëmundjeve infektive në Universitetin e Rochester – SHBA) mendojnë se ata që janë infektuar më parë nga një koronavirus i zakonshëm (që pak a shumë do të thotë “të gjithë”) mund të kenë njëfarë niveli imuniteti para-ekzistues kundër COVID-19.

-Udhëheqësi i studimit, Prof. Dr. Mark Sangster, Profesor Kërkimor i Mikrobiologjisë dhe Imunologjisë, është shprehur se:

– “Kur kontrolluam gjakun e personave të shëruar nga COVID-19, pamë se shumë prej tyre kishin një koktail limfocitesh B të kujtesës para-ekzistuese, të cilat mund ta njihnin SARS-CoV-2 dhe të prodhonin me shpejtësi antitrupat që e sulmonin atë.”

-Kampionët e gjakut të përdorur në studim për krahasim ishin marrë 6 deri në 10 vite më parë, shumë më parë se sa të kishin mundësinë të infektoheshin me COVID-19.

-Gjithashtu u përdorën edhe kampionë gjaku nga persona që po shëroheshin nga forma të lehta ose të moderuara me COVID-19.

-Nga këto kampionë gjaku, autorët matën nivelet e limfociteve B të kujtesës dhe antitrupat që sulmonin pjesë karakteristike të proteinës “Spike” ose S, të cilat ekzistojnë në të gjitha koronaviruset dhe janë thelbësore për të bllokuar hyrjen e viruseve në qeliza.

Shpjegim:

-Proteina S ka pamje të ndryshme dhe sillet paksa ndryshe në çdo betakoronavirus, por një prej përbërësve të saj (“nënnjësia S2”) mbetet pak a shumë njësoj në të gjitha koronaviruset.

-Limfocitet B të kujtesës nuk i dallojnë dot nënnjësitë S2 të betakoronaviruseve të ndryshme dhe, si rrjedhojë, i sulmojnë të gjitha, përfshirë edhe SARS-CoV-2.

Cili është hapi i ardhshëm i studimit?

-Prof. Dr. David Topham, tjetër bashkëautor i studimit, deklaron se:

“Tani duhet të zbulojmë se si korrelon ky koktail limfocitesh B të kujtesës para-ekzistuese me format më të lehta dhe me ecuritë më të shpejta të sëmundjes, ose nëse ndihmojnë në përmirësimin e efektivitetit të vaksinave kundër COVID-19.”

Studimet ecin përpara miqtë e mi!

Ndërkohë ne ruajmë veten dhe të tjerët!

Dr. Shk. Ilir Alimehmeti

Epidemiolog Klinik

Fakulteti i Mjekësisë, UMT

- Artikull i sponzorizuar -

në fokus

Vuçiqit e Bërnabiqit s’ju pëlqeu fjalimi i Kamberit në Kuvend, por ky ka disa porosi për ta

Deputeti i listës “Lugina e Bashkuar - SDA Sanxhak”, Shaip Kamberi, në Kuvendin e Serbisë, dje, pas fjalimit të mandateres për qeverinë...

Pozitat e gjumit lidhen me personalitetin tuaj

Muzika që ju pëlqen të dëgjoni, stili që zgjidhni për rrobat tuaja, mënyra se si ju dekoroni shtëpinë tuaj ose mënyra se...

Terapistët tregojnë disa mënyra se si të minimizoni nervozën dhe të zgjidhni problemet

Bëni gjithçka që duhet të bëni që ju ndihmon të qetësoheni. Nëse keni nevojë të largoheni nga dhoma për disa minuta, bëni...

Merret vendimi i fundit/ Mbyllen Universitetet dhe Konviktet? Rakacolli sapo e njoftoi, ja ç’do ndodhë

Zv.Ministrja Mira Rakacolli në një deklaratë për media ka bërë me dije vendimin e fundit të marrë nga Komiteti Teknik i Ekspertëve,...