Ballina Shëndetësia Receta Klasike e Përgatitjes së Fasuleve Plot Shije

Receta Klasike e Përgatitjes së Fasuleve Plot Shije

Mund të quhet pa frikë receta më karakteristike dhe tradicionale e Shqipërisë.

Nuk ka shtëpi që të mos e ketë përgatiur të paktën njëherë e të jetë mrekulluar me shijen e saj.

Kur temperaturat ulen, një pjatë e ngrohtë me fasule është perfektja për të rizgjuar organzimin.

E mbushur me proteina, fasulet përbëjnë një vakt të plot dhe që ju mban gjatë të ngopur.

Mënyrën e përgatitjes sigurisht që të gjithë e dimë, por AgroWeb.org po e sjell në vëmendjen tuaj si pasojë e kërkesave të shumta.

Përbërësit
1 karotë

1 qepë

1 spec

2 e gjysmë filxhanë çaji me fasule (ose një grusht me fasule për çdo person)

2 lugë gjelle salcë domateje

3-4 lugë gjelle vaj ulliri

Kripë

Pipër i zi

Rigon

Përgatitja
Amvisat e dinë që nëse fasulet nuk i lini në ujë mëparë, ato mezi do të ziejnë.

Ndaj ky hap është shumë i rëndësishëm.

Pra merrni fasulet dhe lërini në një tas me ujë të ftohtë për 3-4 orë.

Ose nëse dëshironi mund t’i lini dhe përgjatë natës e t’i përgatisni ditën tjetër.

Pasi koha të ketë kaluar, AgroWeb.org ju sugjeron që t’i shpëlani me ujë të rrjedhshëm.

Ndërkohë lani dhe qëroni perimet që janë të përcaktuara në recetë.

Karotën thjesht priteni në gjysmë, po ashtu edhe me qepën dhe specin.

Futini të gjitha perimet bashkë e fasulet në një tenxhere dhe mbusheni atë me ujë.

Vendoseni në zjarr dhe shtojini 2 lugë gjelle me vaj ulliri.

AgroWeb.org ju këshillon që t’i lini të ziejnë në zjarr mesatar derisa të shihni që fasulet të jenë çarë.

Ose mjafton dhe që t’i provoni në janë zbutur aq sa duhet.

Kur fasulet të kenë zierë, në një pjatë merrni perimet; karotën, qepën dhe specin.

Shtypini në formën e një salcë duke përdorur kulloren e makaronave dhe një lugë.

Nëse dëshironi një rezultat më të shpejtë përdorni dhe blenderin e perimeve.

Në zjarr vendosni një tigan me dy lugë gjelle vaj dhe lëreni që të ngrohet pak.

Tani AgroWeb.org ju sugjeron që të shtoni dy lugë gjelle salcë domateje dhe t’i jepni një skuqje të lehtë.

Bashkoni tek salca dhe atë që përgatitët me perimet e ziera.

Lëreni në zjarr derisa të shikoni që në sipërfaqe të krijohen disa bulëza dhe vaji të dallohet mbi salcën.

Këtë salcë hidheni tek fasulet që i keni lënë në zjarr të ngadaltë.

Përziejeni me një lugë druri dhe kur fasulet të kthejnë valë shtoni erëzat.

Kripa dhe piperi janë ato baziket, ndërsa rigoni i jep një shije krejtësisht të veçantë.

Por nëse ju dëshironi mund t’i hidhni edhe pak spec djegës, pasi kështu e do tradita.

Ju sugjerojmë t’i konsumoni të ngrohta duke i shoqëruar me sallatë me lakër të bardhë, bukë misri ose pilaf./AgroWeb.org

- Artikull i sponzorizuar -

në fokus

Shtatë të vdekur dhe 241 të infektuar me koronavirus në Shqipëri

Shtatë persona kanë humbur jetën nga COVID-19 24 orëve të fundit në Shqipëri, duke bërë që numri i viktimave që prej nisjes...

100 000 RUBLA RUSE PER ÇDO FAMILJE QË EMËRON FËMIJË ME EMRIN MUHAMMED.

Në Çeçeni ka filluar një fushatë interesante si kundërveprim ndaj sjelljes franceze ndaj figurës së PROFETIT MUHAMMED s.a.v.s.Fondacioni Ahmed Kadyrov (emëruar sipas...

Zemaj prezanton masat e reja anti-COVID: Kufizohet lëvizja për të moshuarit, gastronomia dhe qendrat tregtare mbyllen në orën 21:00

Ministri i Shëndetësisë, Armend Zemaj, ka bërë të ditur se për ta ndalur hovin e infeksionit me COVID-19,...

Partitë politike para qytetarëve servojnë më shumë Nostalgji se sa Programe Zhvillimore

Është bërë trend brenda partive politike në Kosovë, por edhe në Shqipëri, që para qytetarëve të servohet një tip i nostalgjisë, që...