Presidenti i La Ligës thotë se tifozët mund të rikthehen para përfundimit të edicionit

Sport

Presidenti i La Ligës, Javier Tebas, shpreson që disa tifozë të rikthehen në stadiume para përfundimit të këtij edicioni.

Liga spanjolle, që ishte pezulluar prej 10 marsit, do të rikthehet sonte me ndeshjen Sevilla – Real Betis, që luhet në orën 22:00.

Duke folur për rikthimin e tifozëve, Tebas u shpreh: “Sigurisht nuk do të jetë i gjithë stadiumi dhe do të ketë masa parandaluese shtesë”.

“Nëse mund të kemi 10% ose 15% deri në fund të edicionit, nëse kjo ndodhë ne do të jemi shumë të lumtur sepse kjo është një shenjë që po rikthehemi në njëfarë forme në normalitet”, shtoi ai.