Ballina Lajme Kosova Katër pacientë lirohen nga infektiva, mesi i prillit pritet të shënojë kulmin...

Katër pacientë lirohen nga infektiva, mesi i prillit pritet të shënojë kulmin e pandemisë

43 pacientë të infektuar me virusin COVID-19 janë duke u trajtuar në Klinikën Infektive të QKUK-së. Katër prej tyre priten të lirohen sot, pasi që të dy testet kanë rezultuar negative, që do të thotë se janë shëruar plotësisht. Ndërsa 6 prej tyre janë në gjendje më të rënduar.

Kështu ka bërë të ditur infektologu, Valbon Krasniqi, i cili ka bërë të ditur se një grua e moshuar tashmë gjendet në kujdesin intensiv dhe se gjendja e saj është shumë e rëndë.

“Në momentin aktual kemi 43 pacientë të konfirmuar që janë të shtrirë në Klinikën Infektive megjithatë 4 nga ta do të lirohen sot, ju e dini tashmë që kanë rezultuar të shëruar plotësisht kimikisht dhe laboratorikisht. Në fakt janë pesë të shëruar, por njëri nga pacientët për shkak se ka ende familjar pozitiv mund të qëndroi edhe ndonjë ditë më shumë derisa të shërohet edhe familjari tjetër. Pra 43 janë, katër që do të lirohen, do mbesin 39. Gjendja e tyre shëndetësore e shumicës është e mirë, me përjashtim të 6 prej tyre që janë në gjendje më të rëndë pak për faktin se krahas terapisë së rregullt duhet të marrin edhe oksigjeno-terapi. Ndërkohë që një paciente e moshuar e gjinisë femër është duke marr shërbimet në kujdesin intensiv  të Klinikës Infektive dhe gjendja e saj është shumë e rëndë  dhe që nga orët e pasdites  së djeshme është dashur të futet edhe në respirator”, tha Krasniqi.

Në këtë klinikë janë infektuar edhe tri infermiere, gjendja e të cilave sipas Krasniqit është stabile dhe se njëra prej tyre është liruar për trajtim në shtëpi.

“Gjendja e tri infermiereve të Klinikës sonë është e mirë, një prej tyre është në shtëpi  dhe është gjendja e mirë edhe dy të tjerat që janë në klinik po ashtu gjendja shëndetësore është e mirë për momentin”, theksoi infektologu.

Krasniqi tha se për të gjithë pacientët po përdorin një kombinim të hidroksolokinës me azotromicinë  dhe se për momentin janë të furnizuar mirë me këto barna.

“Kombinim të hidroksolokinës me azotromicinë  dhe për momentin jemi të furnizuar mirë me këto barna. Me hidroksolekinë jemi jashtëzakonisht mirë të furnizuar  me azotromicinë presim që të furnizohemi me një sasi më të madhe gjatë ditëve në vijim. Për momentin kemi edhe azotromicinë por kemi nevojë për furnizim të vazhdueshëm…03’20 Deri tani kemi qenë relativisht mirë të pajisur kemi sasi relativisht mirë, por edhe furnizimi me këto pajisje nevojitet të jetë i vazhdueshëm dhe i rregullt për faktin se numri i pacientëve po rritet nga dita në ditë dhe normalisht është material shpenzues. Sidoqoftë deri në këto momente kemi pasur sasi të mjaftueshme ndërsa krahas posedimit të këtyre pajisjeve i gjithë stafi i Klinikës Infektive është i trajnuar për përdorimin e tyre”, u shpreh Krasniqi.

Krasniqi thotë se sipas parashikimeve edhe të ekspertëve ndërkombëtarë, java e dytë e prillit pritet të shënojë kulmin e kësaj pandemie. Andaj paralajmëron rritje të numrit ttë të infektuarve edhe në vendin tonë.

Apeloi te të gjithë qytetarët që të shmangin kontaktet dhe të respektojnë në përpikëri rekomandimet e OBSh-së dhe institucioneve tjera shëndetësore, por edhe qeveritare.

Krasniqi: Java e dytë e muajit prill mund të shënojë numrin më të madh

“Muajit prill mund të shënohet numri më i madh i rasteve në nivel Kosovë, megjithatë kjo varet nga disa faktorë. Në radhë të parë varet nga disiplina e qytetarëve, sa i kanë zbatuar ata rregullat për të qëndruar në shtëpi dhe për të shmangur kontaktet dhe po ashtu varet edhe nga numri i testeve që bëhen në terren. Për shkak se nëse bëhet një numër më i madh i testeve tek familjarët e kontaktit sigurisht që mund të kemi rritje të numrit”, deklaroi ai.

Deri më tani në Kosovë me virusin COVID-19 janë shënuar gjithsej 112 raste ndërsa njëri prej tyre ka vdekur.

- Artikull i sponzorizuar -

në fokus

Psikologët tregojnë 10 mënyra se si të krijoni miqësi me fëmijën tuaj

Ekzistojnë mënyra të mbështetura nga shkenca për t’i forcuar lidhjet dhe për të inkurajuar fëmijën tuaj të jetë i afërt me...

Osmani:Kjo fitore historike më së shumti e mbi të gjitha u takon qytetarëve

Kandidatja më e votuar në zgjedhjet e 14 shkurtit, Vjosa Osmani përmes një postimi në Facebook i është drejtuar qytetarëve të Kosovës...

Tërmeti “shkund” Greqinë, lëkundjet ndjehen edhe në Prizren

Tjetër tërmet i fuqishëm është ndjerë para pak minutash pranë Larisas. Lëkundjet janë ndjerë dhe në Juglindje të vendit deri në kryeqytet.Në...

Rrëzohet një helikopter ushtarak turk, 11 dëshmorë dhe 2 të plagosur

Si pasojë e incident aksidental të një helikopteri ushtarak në rrethin Bitlis të Turqisë, 11 ushtarë kanë rënë dëshmorë.