“Kanabisi më i lirë në Hull”, shqiptari habit me deklaratën e tij para policisë

Bota Lajme Shqipëri

“U largua nga shtëpia e tij në Londër sepse kanabisi ishte më i lirë për tu blerë në Hull”.

Kështu u shpreh një i ri shqiptar pasi u arrestua me kanabis nga policia.

Sipas informacioneve, Atiljo Abedini kishte qenë në qytet për dy javë, duke fjetur në hotele dhe një makinë, para se të kapej me kanabis me vlerë gati 900 £ në një çantë sportive.

21-vjeçari i tha policisë se ai erdhi në Hull sepse droga ishte shumë më e shtrenjtë në Ilford, zonë në Londrën lindore, shkruajnë mediat angleze.

Abedini u ndalua nga policia në Anlaby Road rreth orës 10.20 të mbrëmjes së 6 tetorit të vitit të kaluar.

Oficerët mund të nuhasnin kanabis në makinë dhe gjetën 14 mbështjellës të drogës. Droga vlerësohej në 890 £ dhe Abidini kishte gjithashtu 615 £ para cash.

Pas arrestimit të tij, ai i tha policisë të nësermen “një pako gënjeshtrash” duke thënë se droga ishte për vete dhe se paratë erdhën nga familja në vendlindjen e tij në Shqipëri.

Prokurori Paul Genney zbuloi në gjykatë se Abedini arriti për herë të parë në Mbretërinë e Bashkuar si emigrant i paligjshëm një vit më parë, ku ai qëndroi në Birmingham.

Ai më pas u zhvendos në Ilford në Londrën Lindore para se të udhëtonte në Hull me makinën e mikut të tij dy javë para arrestimit.

Abedini u dënua me dhjetë muaj burg dhe më pas do të dëbohet