Hamilton vazhdon kontratën me Mercedesin

Sport

Kampioni në fuqi i Formula 1, Lewis Hamilton, ka firmosur kontratë të re njëvjeçare me Mercedesin për stinorin 2021, shkruan BBC.

Kontrata e vjetër e Hamiltonit 36-vjeçar skadoi në vitin 2020, mirëpo ai ka vendosur ta vazhdojë atë edhe për një vit.

Hamiltoni vitin e kaluar barazoi rekordin e Michael Schumcherit për tituj të F1 të fituar. Fitoi titullin e shtatë në Formula 1.

“Skuadra e jonë ka arritur gjëra të jashtëzakonshme së bashku. Ne shikojmë të ndërtojmë këto suksese edhe mëtutje”, ka thënë Hamilton.