Ballina Lajme Bota Fotografia e karantinës së një miliarderi në Karaibe që ngjalli zemërim në...

Fotografia e karantinës së një miliarderi në Karaibe që ngjalli zemërim në Instagram

Manjati David Geffen postoi një fotografi nga izolimi i tij për tu mbrojtur nga virusi në një jaht luksoz.

Imazhi i izolimit të David Geffen nxori në pah ndarjet kryesore në botë në epokën e pandemisë coronavirusit.

“Izoluar në karantinë duke shmangur virusin. Shpresoj se të gjithë janë të sigurt”, ka shkruar miliarderi 77-vjeçar në një postim në Instagram.

Ekskursioni i Geffen në Karaibe, është një tregues tjetër se si kriza e virusit prek njerëzit në mënyrë të pabarabartë në të gjithë botën. Ndërsa të pasurit në botë kanë ikur në shtëpitë e tyre luksoze, bunkerët e krijuar me porosi ose ‘pallatet’ lundruese, punëtorët si infermierët, doktorët ose arkëtarët e supermarketeve duhet të kujdesen për të tjerët, gjatë kësaj pandemie.

Varka e Rising Sun ka qenë në Karaibe që nga mesi i nëntorit. E ndërtuar për themeluesin e Oracle Corp, jahti përmban një palestër, kinema dhe bodrum vere. Mirëpo ky nuk është i vetmi jaht në Karaibe, sepse mendohet se tash kur virusi ka pushtuar botën, aty gjenden edhe shumë miliarderë të tjerë si: Roman Abramovich, Vava II, Ernesto Bertarelli.

Geffen, i cili ka një pasuri në vlerë neto prej 8 miliardë dollarë sipas Indeksit të Bloomberg Billionaires, nuk pranoi të komentojë.

Ndërsa anija mund të duket se është një strehë lundruese, ekziston rreziku që një mysafir ose një anëtar i ekuipazhit të sëmuret. Anija mund të “shndërrohej shpejt në një makth karantine” , sipas botimit të industrisë Superyacht Times .

Kompanitë e linjës së lundrimit tashmë e kanë treguar këtë. Disa prej anijeve të tij u është refuzuar hyrja në porte për shkak të shpërthimit të virusit midis pasagjerëve dhe ekuipazhit.

“David Geffen ka një pasuri prej 8 miliardë dollarë! Për hir të Zotit, ndihmoni këtë vend të ketë ventilatorë, maska ​​për punonjësit tanë të kujdesit shëndetësor dhe furnizimet mjekësore që u duhen! Ose jo, thjesht qëndroni në jahtin tuaj, kjo është thjesht e turpshme dhe groteske”, thuhet në një nga mijëra kritikat që Geffen mori.

Geffen ndryshoi profilin e tij në Instagram në privat menjëherë pas postimit të së shtunës. 
 

Image

 

- Artikull i sponzorizuar -

në fokus

E rëndë/ Vdes minatori 49-vjeçar në Bulqizë, mbeti i bllokuar nëntokë (Emri)

Një minator ka ndërruar jetë sot në Bulqizë. Raportohet se ai u bllokua në thellësi të galerisë, duke mbetur në nëntokë.Viktima është...

Arrestime në disa komuna, Policia sekuestron çanta me para

Policia e Kosovës, përkatësisht Departamenti i Krimeve të Rënda sot ka zhvilluar aksione në Prishtinë, Istog, Lipjan, Podujevë, Gjilan.Pas aksionit të sotëm...

Parlamenti Evropian miraton raportin për Kosovën: Pavarësia është e pakthyeshme

Me 50 vota për, dhjetë kundër dhe nëntë abstenime, Komisioni për politikë të jashtme i Parlamentit Evropian ka miratuar raportin për Kosovën...

Konkurs pune në Shtëpinë e Kulturës “Abdulla Krashnica” Preshevë

Konkurs pune në Shtëpinë e Kulturës "Abdulla Krashnica" Preshevë. Komuna e Preshevës - Shtëpia e Kulturës "Abdulla Krashnica" Preshevë...