Ballina Sport E konfirmon menaxheri i Muriqit: Jemi në bisedime, Vedati synon të luajë...

E konfirmon menaxheri i Muriqit: Jemi në bisedime, Vedati synon të luajë në Itali

Sulmuesi i Fenerbahces, Vedat Muriqi, e ka për qëllim kryesor të luajë në Serie A dhe është në bisedime me disa klube për një kalim të mundshëm në futbollin italian, ka konfirmuar menaxheri i kosovarit, Haluk Canatar. Klubet që Muriqi mund t’iu bashkohet këtë verë janë Lazio dhe Napoli.

Duke folur për mediat italiane, Canatar zbuloi se është në bisedime me disa klube për shërbimet e sulmuesit të Kombëtares së Kosovës.

Muriqi ra në syrin e shumë klubeve evropiane, veçanërisht atyre italiane, në dy vjetët e fundit, pas paraqitjeve të shkëlqyer me ekipin kombëtar dardan dhe Fenerbahcen në Superligën turke këtë sezon.

25-vjeçari nga Prizreni i ka shënuar 20 gola dhe 8 asiste në 30 paraqitje për Fenerbahcen në të gjitha garat vetëm këtë sezon. Kjo ka bërë që jo vetëm Lazio dhe Napoli të shprehin interesim për të, por edhe Eintracht Frankfurt, Tottenham, Leicester City dhe Manchester United.

Feneri është në vështirësi financiare dhe do ta shesë kosovarin sipas të gjitha gjasave.

Klubi i tij i ardhshëm sipas të gjitha gjasave do të jetë Lazio, drejtor sportiv i të cilit është ish-sulmuesi i vet dhe i Shqipërisë, Igli Tare.

I pyetur për interesimin e shfaqur nga Lazio dhe Napoli për Muriqin, Canatar tha për mediat italiane: “Ka bisedime. Do ta shohim se çfarë do të ndodhë. Unë mund vetëm të them se synimi i Vedatit është të luajë në Itali”.

“Muriqi është futbollist për të cilin kanë shprehur interesim shumë klube; në javët e fundit shumë prej tyre kanë pyetur për të. Lazio është interesuar. Por nuk dua të flas shumë për interesimin e saj, duke e parë sesi funksionin tregu i transferimeve”, shtoi ai.

“Muriqi ende nuk ka vendosur se në cilin klub dëshiron të luajë. Por ajo që dihet sigurt është se ai dëshiron të luajë në Serie A, Premierligë apo Bundesligë”, zbuloi ai.

- Artikull i sponzorizuar -

në fokus

Boban Iliç u dorëzua në burg

Brenda afatit ligjor që Gjykata Themelore e Kumanovës e mori që i dënuari për shkeljen për vdekje të Almirit 4 vjeç, Boban...

Shkon në mbi 70 mijë numri i të infektuarve me COVID-19 në Kosovë

Në 24 orët e fundit në Laboratorin e Mikrobiologjisë Molekulare në IKSHPK janë testuar gjithsej 2.886 mostra të dyshuara me COVID-19

Erdoğan: Plani i veprimit për të drejtat e njeriut do të zbatohet brenda një periudhe 2-vjeçare

Erdoğan në lidhje me Planin e veprimit për të drejtat e njeriut: Është përgatitur për t'u zbatuar brenda një periudhe 2-vjeçare.Erdoğan: Plani...

KQZ ka një njoftim shumë të rëndësishëm

Komisioni Qendror i Zgjedhjeve ka njoftuar se sot ka nisur numërimi i votave me postë.Zëdhënësi i KQZ-së, Valmir Elezi, ka thënë se...