Ballina Lajme Cilat janë shtetet ku maska është me detyrim

Cilat janë shtetet ku maska është me detyrim



Nga Italia fqinje tek Franca, Gjermani dhe Austria/ Cilat janë shtetet ku maska është me detyrim
Vala e re e infektimeve ka bërë që shumë vende të ndërmarrin masa drastike kufizuese pas rihapjes, si ajo e maskës edhe në ambientet e hapura, me qëllim për të ngadalësuar përhapjen e koronavirusit.

Çekia është vendi i parë europian që e bëri të detyrueshme maskën që në 18 mars në ambientet e jashtme, si supermarkete, farmaci apo transport publik. Vetëm pak ditë më vonë, Sllovakia dhe Bosnje-Hercegovina ndoqën shembullin e saj. Më 6 prill, Austria gjithashtu vendosi që maska të jetë e detyrueshme në hapësirat publike.

Në të njëjtën ditë, Turqia vendosi të njëjtën masë, por duke u kufizuar vetëm në tregje apo vende të mbipopulluara. Në vende të tjera në Europë, qytete të ndryshme brenda të njëjtit shtet kanë aplikuar masa të diferencuara, varësisht nga shkalla e rrezikut të përhapjes së virusit.

Në disa qytete franceze si Paris, Tolouse, Nisë dhe Lion, çdo person mbi 11 vjeç gjobitet në rast se del pa maskë. Pak ditë më parë, shteti fqinj, Italia, shpalosi planin e masave që implementon maskën në ambiente të jashtme e të brendshme, përveç shtëpisë, mbylli shërbimin në restorante në orën 21:00 dhe ndaloi të gjitha festat, qoftë jashtë apo brenda.

Një tjetër vend problematik sa i takon ecurisë së Covid-19, Spanja, ka shpallur gjendjen e jashtëzakonshme. Hotelet, baret dhe bizneset punojnë me gjysmë kapaciteti dhe nuk lejohen hyrje-daljet nga Madridi me përjashtim të personave që shkojnë në shkollë apo punë.

Gjermania ka ndaluar grumbullimet masive së paku deri në fund të vitit, për zonat me infektim të lartë. Mosmbajtja e maskës në dyqane apo transport publik gjobitet me 50 euro. Greqia e ka bërë të detyrueshme maskën në ambiente të mbyllura dhe mjetet e transportit publik. Në vendet me infektim të lartë, maska duhet të mbahet edhe në punë apo ambiente të hapura me shumë njerëz. I vetmi shtet që mjaftohet vetëm me rekomandimin e maskës është Suedia.

Njerëzit zbatojnë këshillat e qeverisë, e cila nuk ka ende një plan për vendosjen e masave të reja, por nuk kanë përjashtuar vendosjen e masave në të ardhmen, por për momentin bizneset qëndrojnë hapur dhe maskat nuk rekomandohen. Luksemburgu është treguar më tolerant, duke kërkuar maskë detyrimisht jashtë, vetëm në ambientet ku nuk është e mundur të ruhet distanca.

- Artikull i sponzorizuar -

në fokus

Vuçiqit e Bërnabiqit s’ju pëlqeu fjalimi i Kamberit në Kuvend, por ky ka disa porosi për ta

Deputeti i listës “Lugina e Bashkuar - SDA Sanxhak”, Shaip Kamberi, në Kuvendin e Serbisë, dje, pas fjalimit të mandateres për qeverinë...

Pozitat e gjumit lidhen me personalitetin tuaj

Muzika që ju pëlqen të dëgjoni, stili që zgjidhni për rrobat tuaja, mënyra se si ju dekoroni shtëpinë tuaj ose mënyra se...

Terapistët tregojnë disa mënyra se si të minimizoni nervozën dhe të zgjidhni problemet

Bëni gjithçka që duhet të bëni që ju ndihmon të qetësoheni. Nëse keni nevojë të largoheni nga dhoma për disa minuta, bëni...

Merret vendimi i fundit/ Mbyllen Universitetet dhe Konviktet? Rakacolli sapo e njoftoi, ja ç’do ndodhë

Zv.Ministrja Mira Rakacolli në një deklaratë për media ka bërë me dije vendimin e fundit të marrë nga Komiteti Teknik i Ekspertëve,...