Betohet Ilir Meta: Marrëveshje me Ramën s’do ketë më kurrë, më ka prekur te Kosova

Lajme Shqipëri

Presidenti i Republikës së Shqipërisë, Ilir Meta ka deklaruar se nuk do të bëjë më kurrë marrëveshje politike apo koalicion me Edi Ramën.

Meta i ftuar në emisionin ‘’Çim Peka Live’’ ka thënë se nuk ekziston më mundësia për marrëveshje me Ramën në këtë tokë.

Ai ka dhënë dy arsye për këtë vendim të tijin, për të cilin janë vënia në diskutim e integritetit territorial të Shqipërisë dhe kufijve të Kosovës.

‘’Kurrë mos e mendoni se ekziston një mundësi, që Ilir Meta të bëjë një koalicion me Ramën. Kjo histori ka përfunduar! Kurrë më marrëveshje me Edi Ramën!

Marreveshje politike në ketë tokë mes Ilir Metës dhe Edi Ramës nuk do ketë më kurrë.

Arsyet janë dy, ka vënë në diskutim integritetin territorial të Shqipërisë dhe ka vënë në diskutim kufijtë e Kosovës.’’-tha Meta.