Ardita Sinani (PVD) urim për pavarësinë e Republikës së Kosovës

Lajme Lugina

Të nderuar qytetar të komunës së Preshevës,

Sot Republika e Kosovës feston ditëlindjen e saj të trembëdhjetë!

Kjo ditë për ne shqiptarët e Luginës së Preshevës përpos që është një festë, është një ditë e veçantë e cila kurorzoi skarificën e popullit të Kosovës për liri, pavarsi dhe shtet!

Kjo ditë e veçantë e gjen Republikën e Kosovës para shumë sfidave, kurse shqiptarët e Luginës së Preshevës skajshmërisht të diskriminuar!

Në këtë ditë ne kujtojmë me nderë dhe respekt dëshmorët e kombit gjeneratë pas gjenerate, kujtojmë invalidët e luftës, veteranët, të zhdukurit, nënat dhe gratë e dhunuara, kujtojmë çlirimtarët nëpër burgje duke besuar në pafajsinë e tyre, kujtojmë me përulje sakrificën dhe vaujtjet e secilit individ për liri, pavarsi dhe shtetndërtim !

Presheva sot shpreson, kërkon, dhe pret një përkrahje vëllazërore nga Republika e Kosovës për zgjidhjen e drejtë të çështjes tonë duke qenë pjesë e dialogut, sepse besojmë fuqishëm që zgjidhja e vetme, e drejtë dhe e përhershme e problemeve është bashkangjitja e Luginës së Preshevës me Republikën e Kosovës!

Andaj unë sot, në emrin tim dhe në emrin tuaj dua t’i urojë Republikës së Kosovës paqe, mirëqenje dhe prosperitet për secilin qytetarë të saj!

URIME KOSOVË!

Me respekt!
Ardita SINANI